【Emily】體育園花展設館 介紹園區綠色元素
[2023.03.04] 發表
【明報專訊】「香港花卉展覽2023」下星期五(10日)起喺維園舉行，其中預計下年落成嘅啟德體育園，會喺花展舉辦首個戶外展覽，介紹體育園項目，包括園區內嘅綠色建築同設計元素。
為咗令市民可以體驗喺體育發展中實踐環保，園方將喺花展設展館，率先展出喺體育園內會有嘅模擬垂直綠化牆。綠化牆除咗可以阻隔太陽輻射熱，仲可以提升景觀。同時，園方會喺展館舉辦免費「馴鹿苔畫工作坊」，等市民可一邊欣賞花藝，一邊親手製作由天然苔蘚風乾物料組成嘅藝術品。
啟德體育園佔地28公頃，為昔日啟德機場舊址重新發展計劃嘅一部分。園區將設一個可容納5萬個座位，並配備開合式上蓋嘅主場館；一個室內體育館，以及一個可容納5000個座位嘅公眾運動場。另外，園區內亦會設大量戶外空間、零售和美食設施。
更多港聞
相關新聞
