【Emily】當年請食「飛蛋」 陳德章今請曾俊華飲
[2025.05.12] 發表
【明報專訊】時任財政司長曾俊華2013年出席地區諮詢論壇時被雞蛋掟中，當時另一主角、時任社民連秘書長陳德章事後因為件事坐咗三個禮拜監。超過10年後呢兩個人重逢，竟然係因為飲喜酒。
曾：早知送番兩塊煙肉做賀禮
鬍鬚曾喺社交網站透露，前日透過「阿牛」曾健成收到陳德章邀請出席咗陳德章嘅婚禮，又以Derek稱呼新郎哥。佢話收到Derek邀請見證人生大事嘅時候「我係有啲驚喜，因為我哋都有一段時間冇見面喇」，「冇諗過佢仲會記掛住我」。
當時陳德章本身想將雞蛋掟向時任特首梁振英，誤中副車。鬍鬚曾話點都唔會忘記新郎哥逾11年前「送上一隻新鮮雞蛋」，又開玩笑話「早知送番兩塊煙肉畀佢做賀禮啦」。曾俊華最後祝一對新人新婚快樂，好似佢同曾太咁白頭到老。
更多港聞
【Emily】威尼斯建築展開幕 港人搭竹棚劇場
【明報專訊】第19屆威尼斯建築雙年展外圍展上周五開幕，前日至11月23日喺威尼斯開放畀公眾參觀，其中香港展覽邀請本港搭棚師傅到當地搭建竹棚，... 詳情
【明報專訊】港鐵話噚日（11日）完成東鐵線大學站自動閘門安裝工程，旺角東及羅湖站安裝工作亦踏入尾聲。港鐵預計按照目前進度，整項工程會喺5月至...
詳情
中學生篩查：5%頻萌死念 逾三成有情緒困擾 青協倡集中做小組治療
【明報專訊】青協中學生情緒健康篩查顯示，本學年逾三成受訪中學生備受情緒困擾，有5%（約133人）受訪學生有嚴重精神健康風險，需轉介精神科；5... 詳情
相關新聞
