獲葉蒨文垂青 被揭曾入獄 林澤謙承認做錯已承擔後果
[2025.07.02] 發表
【明報專訊】港隊手球運動員林澤謙參加無綫戀愛真人騷《女神配對計劃》，怕醜表現獲女神葉蒨文(Sophie)垂青引起熱話，隨即被揭「黑歷史」，疑曾涉及2016年立法會資訊科技界賄選案。根據法庭紀錄，名字為「林澤謙」的被告，因接受850元報酬參與「種票」計劃被廉署起訴，2021年判入獄6星期。林澤謙前日在社交平台發文交代事件，「剛剛呢個星期有好多報道、評論，唔同平台，不論係好壞真假，我都有去睇」。他稱事件發生在10年前，當時愚昧無知沒想清楚，將資料交給朋友，這些資料最後被不妥當使用，「我並冇參與任何投票行為，但我始終係做錯咗，我好後悔，亦承擔咗應有嘅後果。當時我可以做嘅就係繼續努力完成學位同繼續努力訓練，為自己人生負責。而上述紀錄其實亦已經無效，所以我並非刻意要向任何人隱瞞或不申報。如有任何人主動問及，我亦會大方承認，對節目造成不便同影響，我感到好抱歉」。
林澤謙稱「要學打波，先要學做人」，以往有處理得不好的事情，但正正是這些經歷或犯錯，造就他現在的改變，「節目中我係真誠咁同每一位交流，我相信每位女神同參加者都係。鏡頭前我哋認真盡力參與，鏡頭下我哋係朋友，會傾唔同嘅嘢，只係節目時間有限，大家未必有機會睇到更多。所以無論你係支持邊一位，我認為都冇需要惡意去中傷攻擊其他人。最後多謝一直支持我嘅人，希望大家繼續好好享受呢個節目」。
娛樂組
更多影視
【娛樂場】《霍汶希的25堂識人課》 傳授金牌經理人秘訣
【明報專訊】英皇娛樂集團營運總裁、金牌經理人霍汶希（Mani）最近推出網上課程《霍汶希的25堂識人課》，化身導師傳授30年來打造謝霆鋒、容祖... 詳情
超級富豪貝索斯世紀婚禮餘波未了 名嘴轟「作嘔」影后查莉絲稱「很爛」
【明報專訊】《福布斯》2025全球億萬富豪排行榜位列第3的美國電商巨擘亞馬遜創辦人貝索斯（Jeff Bezos），上月26日起一連3天在威尼... 詳情
相關新聞
