【Emily】灣航免費提供輕食 定期轉
[2025.08.01] 發表
【明報專訊】唔少人買機票除咗睇價錢，都會考慮航空公司喺機上提供嘅膳食，大灣區航空噚日公布，即日起為所有乘客免費提供機上輕食，包括不同酥點同精選飲品，款式會定期轉換及因應航程長短有所不同。
灣航以往無提供免費輕食，只有派免費樽裝水，大灣區航空機艙服務副總經理何詩婷話，灣航團隊規模雖然細，但靈活多變，而且有仔細聆聽客戶意見，今次新服務顯示公司有不斷致力提升乘客旅遊體驗。
至於飛機餐同餐點就暫時仍要畀錢買，灣航話有十幾款揀，如果預先網上訂購會有優惠，例如最平嘅格仔餅38蚊，早前引起唔少網民討論嘅港式焗豬扒飯就68蚊。灣航唔容許旅客喺機艙入面食外來食物同飲品，而飛機餐要喺起飛前不少於48小時預訂，大家留意喇。
更多港聞
【Emily】人才辦網站增chatbot 新標誌3色代表3主題
【明報專訊】截至今年6月底，各項人才入境計劃已批准約33萬宗申請，近22萬人已來港。為更好支援來港人才，政府人才服務辦公室噚日更新網站，引入... 詳情相關新聞
