【Emily】降落→入櫃→自取 無人機外賣將會送埋大埔海濱
[2025.09.27] 發表
【明報專訊】低空經濟「監管沙盒」首批試點項目有38個，運輸及物流局噚日喺社交平台話，項目之一外賣平台Keeta累積3個幾月飛行數據後，將會開設飛行距離更長嘅路線，由科學園往來大埔海濱公園，並喺大埔海濱公園釣魚角設置無人機飛送站。
運物局長陳美寶仲實測用無人機攞外賣。無人機喺全自動嘅「M-Port儲存櫃」降落後，外賣餐點會傳送去櫃內儲存空間，無人機隨即自動返航。顧客喺M-Port輸入手機程式顯示嘅取餐碼，就可以攞外賣，再將餐箱回收，每個餐箱可以循環再用約100次。
運物局又介紹，航線所用嘅無人機可以抵禦6級風力，M-Port都會自行蒐集氣象數據做分析；而儲存櫃最多可以存放28個套餐，亦有保溫功能，保持食物新鮮。
更多港聞
【Emily】哈囉喂又嚟 OPPA「地獄騷肌」
【明報專訊】萬聖節將至，一年一度嘅海洋公園「哈囉喂」即日起至11月2號舉行，每日都會有「十大嘩鬼匯演」，包括海濱樂園每日會上演4場「怨靈盲盒... 詳情相關新聞
