【Emily】見到遊客得幾十人 水上的士首航 顏汶羽：要多宣傳
[2025.10.02] 發表
【明報專訊】來往尖沙嘴同鯉魚門嘅水上的士航線噚日首航，並因應國慶76周年，送出76張免費頭班船飛。不過，帶埋馬來西亞朋友去試坐嘅九龍東民建聯議員顏汶羽就話，初時以為會座無虛席，點知喺尖沙嘴同尖東上船嘅遊客只有幾十人，希望之後可以加強宣傳。
顏汶羽引述有遊客反映，無法喺官網買船飛，亦有遊客話事前唔知道有新航線，顏汶羽希望船公司可以加強宣傳，亦可考慮喺船上介紹鯉魚門景點，吸引更多遊客。
一向關注鯉魚門發展嘅顏汶羽亦順道宣傳，提到鯉魚門海鮮街新碼頭翻新後嘅海濱長廊、觀景台、燈塔，又有大型壁畫可以「打卡」，而快迎來秋冬季節，佢推介大家可以去鯉魚門舊石礦場，同滿滿嘅金黃色蘆葦草合照。
新航線逢周六、周日同公眾假期營運，每日由尖沙嘴或鯉魚門開出兩班船，途經尖東，全程45分鐘，成人票價分普通船同豪華船，分別50元同80元，小童、長者半價。
更多港聞
理大科大AI學科收分升 有逾一成 學友社稱社會強調人工智能發展 料日後續升
【明報專訊】各資助大學正陸續公布本學年聯招（JUPAS）收生分數，本報比對各科今年和往年成績發現，理大和科大多個人工智能（AI）學科收分上升... 詳情
【明報專訊】嶺大社會科學等課程一直廣受學生歡迎，本報比對該校各課程今年經中學文憑試（DSE）收生的分數，除了6個新辦的學士課程，其餘各科收分...
詳情
相關新聞
