【明報專訊】立法會福利事務委員會噚日應香港安老服務協會邀請，探訪咗兩間分別位於青衣和葵涌嘅私營安老院舍，了解院舍設備，亦聽取前線員工講解日常工作及照顧長者嘅經驗。不過Emily發現，有23名委員嘅福利事務委員會，只有主席邵家臻同委員張超雄應邀出席。 邵家臻：秘書處有提醒或少人報名 社福界議員邵家臻同Emily講，喺上月底公聽會，有私營安老院舍代表希望議員實際了解業界情况，向委員會發信，邀請佢哋噚日到訪安老院舍，所以佢就查詢有幾多個議員會出席，結果只有3人報名，包括張超雄、長毛梁國雄同佢自己，但長毛最後因事未能出席。咁少議員出席係咪好失望？邵家臻話，最初秘書處都有提醒佢，公眾假期嘅報名人數可能會較少，但對方要求呢個日期，所以照樣邀請。唔知係咪平日工作忙碌，唔少立法會議員都趁聖誕假期稍作休息，唔想做嘢呢？
|
| |
| |
;){kind=small}
