【明報專訊】患上不治之症，唔一定世界末日。19歲嘅瑤瑤患有無法根治嘅罕有病結節性硬化症(簡稱TSC)，但佢畫嘅利市封唔單止色彩繽紛，仲寫上唔少港人嘅願望。Emily嘅心水之選，當然係「唔駛OT」嗰個啦！ TSC會令患者體內細胞失控增生，導致重要器官長出大量腫瘤，會影響身心發展，包括損害智力。自幼確診患TSC嘅瑤瑤，成長過程困難重重，但佢嘅畫一啲都唔灰，仲好色彩豐富，展現生命力，佢畫嘅《錦鯉》作品更獲2016年「世界關顧自閉日」郵票圖案設計比賽一等獎。 喺香港結節性硬化症協會同華星冰室幫助下，瑤瑤將會開畫展，佢畫嘅8款利市封仲喺網上義賣(https://ocshkg.wordpress.com)，一套8款，每款10個，賣80蚊，每款利市封都寫上祝福語，包括「唔駛OT」、「雞年好掂」，同埋「牛咁壯健」等，收益將用於香港結節性硬化症協會。
|
| |
| |
