【明報專訊】立法會一地兩檢條例草案委員會上星期五起一連3日開會，噚日星期日朝早亦召開4個鐘會議審議條文。公民黨郭家麒喺會上質詢運輸及房屋局長陳帆時，引起「暴力」言論風波。 事緣會上郭醫生關注高鐵場地取用、收費等問題，陳帆僅回應話取得有關協議後，會適時向公眾交代。郭醫生當然唔滿意呢個答案啦，陳帆就話「郭議員提到嘅資料，與條例草案無關係」。 當郭醫生追問時，主持會議嘅葉劉淑儀加入，話「你拷打佢(陳帆)都無用㗎啦」，郭醫生隨即話：「咁咪你(葉劉淑儀)拷打佢啦，如果唔係我拷打你啦。」點知葉太突然話：「好暴力，真係愈嚟愈暴力！」 郭醫生聽到葉太咁講忍唔住反駁：「你自己講(拷打)咋喎，主席。」陳帆之後重申：「再次鄭重承諾，一有共識會交代。」
|
| |
| |
