【明報專訊】特首夫人梁唐青儀上周五7月4日回應女兒梁齊昕割腕事件，點名罵中大學者蔡子強嘅評論文章，話蔡子強「涼薄、無知、冷血」，當時有段小插曲，當梁太發言時，有人遞上手提電話，來電顯示係「CY Leung」。當晚，唔少記者都有向特首辦查詢來電者係咪特首梁振英，惟當晚特首辦並無回應；事隔不久，《星島日報》噚日就報道，話特首辦確認致電者係梁振英。 只覆《星島》？ 稱無心之失 呢件事令到Emily同埋一啲行家感到疑惑，質疑特首辦係咪選擇性回覆友好傳媒，但特首辦人士就向Emily話，事件係無心之失，漏咗回覆Emily，話下次唔會！ 講番梁太事件，《星島》就報道，「當時特首梁振英獲同事通報，才知太太見傳媒，欲致電了解情况，但當時梁太已開始發言，並無接聽。」
|
| |
| |
;){kind=small}
