尼馬痛苦倒地緣盡世盃，遠在電視機前的球迷也不禁倒抽一口涼氣，實在為巴西教練史高拉利，有這樣一位唔係所謂、而係必然王牌的傷兵擔憂。偏偏有人在這時候喜氣洋洋搖動「尾龍骨」開Party，擺明在尼馬傷口上灑鹽。邊個咁冇品？之唔係巴西世仇阿根廷球迷！不過巴西粉絲也非等閒，抬棺材、斬美斯「手指」，為咒死敵，要幾毒，有幾毒！

小孩聞尼馬受傷大哭

「嗚嗚畀番尼馬BB我呀！」不只女球迷同聲一哭，連不足兩歲大的巴西小球迷目睹男神受傷倒地，也放聲大哭嚇親媽媽，我見猶憐片段熱爆YouTube。阿根廷身為巴西世仇，教練沙比拉就算暗地叫Yeah，也要表面扮Sad：「我踢波�鶖伈ㄚY10號仔，仲係球技十分了得的10號仔……當我知道他受傷時，不禁倒抽一口涼氣，做球員有乜慘得過受傷？還要在世界盃最關鍵的時候玩完？我對尼馬予以強烈安慰，感覺極之遺憾，我願送上擁抱問候。」真係聞者心酸，聽者流淚……鏡頭一轉去到阿根廷大戰比利時場外，一班阿根廷球迷已在熱烈地彈琴熱烈地唱，還特別帶來脊椎骨模型忘情揮舞，不用說也知是在明玩脊椎骨受傷的尼馬。

不過呢度始終係巴西主場，這班阿根廷球迷入場後，好快就發現被敵人重重包圍，有巴西球迷甚至將印有阿根廷名宿馬拉當拿樣子的紙板棺材抬入場，詛咒宿敵早日歸西，大家你一言我一語，搞到巴西警方也不敢怠慢，加強警力分隔兩幫球迷。

森巴迷抬肥馬紙棺材還擊

好彩大家也是止於口術，不像位於布宜諾斯艾利斯的美斯雕像咁慘情，被人割甩兩隻手指，在他旁邊的巴迪斯圖達亦慘食臭襪！阿根廷傳媒一口咬定是巴西球迷所為，皆因兩位國民英雄正是在尼馬受傷當晚受辱，仲唔係有人借機泄憤？冇證冇據難定誰是誰非，不過可以肯定的是，假若南美雙雄真的決賽相逢，場外定必比場上更精彩！