[昔日明報]
【明報專訊】《明報》前總編輯、世華網絡營運總裁劉進圖遇襲近5個月後，噚日第一次返明報探望同事，同埋開會傾未來工作安排。佢精神奕奕，仲同同事講笑，話大家每日都喺塵世營營役役做嘢，而佢休養咗咁耐，返到公司有恍如隔世感覺。劉進圖話，如果身體許可，希望8月可以返工𠻹，一眾同事聞言都好開心。
劉進圖日前出院返屋企休養，噚日下晝2點幾返到明報編輯部，佢套住腳套、右手攞住拐杖，斜孭一個小背囊，步履穩健，雖然有啲消瘦，但係精神不錯。同事見到佢都好雀躍，紛紛趨前問好。
(明報記者攝)
;){kind=small}
