【明報專訊】本身係飛機師、舊年因為電視劇《衝上雲霄2》曝光率大增嘅公民黨譚文豪(Jeremy，圖中)傳嚟喜訊！佢太太(左)上星期六誕下龍鳳胎，家姐重5.7磅、細佬重6.9磅。Jeremy噚日喺facebook上載當日喺產房同太太一齊見證孖胎出生嘅相，完全感受到兩夫婦開心到「見牙唔見眼」嘅喜悅，佢仲講笑話，「如果只是想為香港出生率出一分力，我會選擇生孖胎，既方便又快捷」。 Emily噚日致電祝賀Jeremy。Jeremy話，起初太太懷孕完成首次檢查後，一直以為得一個，直至第二次檢查完成後，醫生同佢哋講原來係雙胞胎，令佢哋非常驚訝同開心；太太入產房期間Jeremy全程陪伴，「人生第一次入產房，一定要支持太太！」 為咗多陪妻兒，Jeremy話未來都要飛少啲，「盡量搵啲短trip或者與同事調更，始終小朋友成長只得一次，一miss咗就miss咗，好希望陪伴小朋友成長。」佢仲講笑話，𠵱家需要諗兩個BB名，有啲頭痕，相信以後有排唔得閒喎。 (譚文豪facebook)
|
| |
| |
;){kind=small}
