【明報專訊】立法會議員陳志全(慢必)噚日收到一封自稱港大政治與公共行政學系學生Emily Wong嘅電郵，話正在製作緊「百大香港政治人物專題網站」，叫佢click入一條link，睇吓網站介紹自己嘅資料有無錯。慢必不虞有詐，click咗入去，發現佢嘅Gmail密碼即刻畀人改咗。好彩佢電郵有用密碼雙重認證，可以喺電郵中表明忘記密碼，透過手機收番新密碼。慢必話相信自己電郵已經畀人睇晒，但話裏面無乜秘密。 莫乃光稱近日釣魚電郵增加 資訊科技界立法會議員莫乃光就話，自己同其他泛民議員都收到同一電郵，又話近日突然多咗釣魚電郵針對泛民，其中仲有人扮政府資訊科技總監辦公室電郵畀佢哋，質疑與近期政制發展有關。喺近期政治低氣壓之際，Emily希望各泛民人士小心啲啦。
|
| |
| |
;){kind=small}
