一般人搭巴士，唔係坐就企，仲要緊握扶手?，但巴塞隆拿後衛丹尼爾(圓圖)就與別不同。話說球隊前幾日於西班牙國王盃作客擊敗維拉利爾後，全隊返歸，丹尼爾在機場的單層巴士上表演絕技，身手敏捷的他，雙手一發力便攀上車頂的層架，然後一個翻身，來個凌空掌上壓，輕而易舉冇難度。英國《鏡報》以蜘蛛俠形容他，不過一眾巴塞隊友好冷靜，各有各傾計，完全漠視丹尼爾。