無論踢波、打籃球定係打拳，這班熒幕上的體壇鐵漢都有一個共通點——就係別人的兒子，有啲更加做咗老竇，所以前日的父親節就別具意義。 好多人都在社交網上載溫馨照片，但當中最開心相信都係剛助勇士贏得NBA總冠軍的伊古達拉，因為佢乖仔自製總冠軍獎盃送畀daddy，更封佢做「2015最有價值父親」，真係甜到漏。 伊古達拉囝囝人仔細細，獎盃手工實在不敢恭維，但勝在心思細密兼有眼光，?到老竇鬼咁開心，在instagram話﹕「這孩子無得頂，雖然我好多節日都唔慶祝，但他4月在美術堂雕了這個奧拜恩獎盃(總冠軍獎盃)，留待父親節才送畀我。這會是我最喜歡的獎盃。」4月已經睇好老竇贏總冠軍固然抵讚，更抵讚係另封呢個總決賽最有價值球員做「2015最有價值父親」，畀我係伊古達拉都冧到爆。 「阿七」自製手鏈贈碧咸 當然天下間的父親都會覺得自己細路的禮物先係最好，所以碧咸一定好喜歡寶貝女「阿七」送的自製手鏈，而佢都不忘感謝自己的父親，在社交網貼出兩仔爺的陳年合照，「老竇，父親節快樂，多謝你多年的支持，也祝願全世界的父親有美妙的一日，好好享受被你的可愛孩子捉弄吧」。至於另一個萬人迷基斯坦奴朗拿度，就貼出同兒子一齊溫書的溫馨相，乍看溫情洋溢，但附註一句「你可以喺新紀錄片看到更多我和他的特別時刻」就帶點商業味，扣咗少少分啦。
|
| |
| |
;){kind=small}
