【明報專訊】管理唔少屋邨街市嘅領展(前稱領匯)，雖然改咗新名，但工聯會就話領展街市唔OK，話空場問題嚴重，檔數同種類亦唔足夠。工聯會提出一個「兩餸一湯」指數，話「兩餸一湯」係按3至4人家庭分量，揀選7項食材作為參考指標﹕包括1斤菜心炒6両牛肉、2両梅菜蒸12両鯇魚，以及番茄薯仔瘦肉湯，材料各半斤。工聯會社會事務委員會喺8月18至21日，到15個領展街市調查，話只有兩個領展街市可以買齊餸喎。 工聯：只有兩街市可買齊餸 社委副主任麥美娟話，調查發現只有鴨脷洲邨街市同禾輋街市能「買齊餸」，其他街市主要係無鮮牛檔(共有12個街市無鮮牛出售)或淡水魚檔(有6個街市無鯇魚出售)。 工聯會話，領展不斷加租、引入大集團或連鎖集團，趕走咗唔少小商戶同街市檔販，認為咁樣會令居民嘅選擇減少。
|
| |
| |
