【明報專訊】經民聯林健鋒(Jeffrey)噚日64歲生日，不過做得議員，生日都要留喺立法會開會，好彩佢有班好黨友，一早訂咗生日蛋糕同佢慶祝，Jeffrey平日鍾意打高爾夫球，黨友買嘅蛋糕亦有球桿、球袋、草地等，佢嘅黨友張華峰就不斷祝Jeffrey杆杆入洞。另一黨友石禮謙更加帶咗支1962年嘅酒嚟同Jeffrey慶祝，非常有心。 資訊科技界議員莫乃光星期日亦係生日，朝早仲會參加「鼠戰中環」跑步活動𠻹，唔知生日會唔會令佢跑快啲呢？佢喺立法會嘅戰友會計界梁繼昌同教育界葉建源，噚日亦同佢切蛋糕慶祝，梁繼昌話，雖然佢唔可以好似特首梁振英咁隨口念出毛主席嘅詩句，不過「我希望莫議員健康長壽！」
|
| |
| |
;){kind=small}
