【明報專訊】繼「大埔街坊泥鯭」facebook專頁開啟後，港、九、新界嘅街坊都興起呢個順風車文化，有手機應用程式公司仲開發一個名為「ToGetCar」 嘅順風車手機程式，免費畀市民下載。 除咗大埔，屯門、元朗、馬鞍山、將軍澳、觀塘同荃灣都已經設立順風車嘅facebook專頁，希望透過共享經濟嘅理念，嚟善用日常生活中被閒置嘅車位。 要表明不涉金錢交易 手機應用程式公司「Urban-Manta」開發咗香港首個順風車手機程式，發言人Oscar Lam就話，近嚟喺facebook見到各區都有「順風車專頁」，但唔多方便大家配對合適嘅車程，令到一啲有心車主唔能夠接載其他人，所以就參考外國嘅車程共享程式嚟做呢個app，用戶要表明過程中唔涉及金錢交易，但呢個app𠵱家只可以畀Andriod手機下載，IOS手機就要再等下喇！
|
| |
| |
