【明報專訊】攝影師楊德銘(Paul)想出版名為Yes Madam Sorry Ah Sir嘅攝影集，早前申請藝發局資助，但近日獲通知其資助申請不獲批，於是想以公眾集資形式自行出版相集。楊德銘同Emily話，佢由2008年起記錄警員執勤時嘅情况，去年佔領運動期間仲拍咗好多警隊嘅相，應足夠出版攝影集咁話。 Paul前日收到藝發局回信，通知佢資助申請被拒。雖然佢都預咗會有呢個結果，但點都有啲失望，𠵱家佢打算透過網上平台群眾集資(crowdfunding)，希望籌到8萬元自行出版攝影集。 根據Paul喺網上展示嘅相片，主要記錄咗香港警員執勤同埋休息期間嘅舉動，相入面嘅警員有笑、食嘢、嬲，亦有警員配備卡通水樽，Paul希望透過相集帶出「警員只是一般人，只是被賦予警察裝備與執法權力」嘅信息。
|
| |
| |
;){kind=small}
