【明報專訊】反佔中律師、黃大仙區議員陳曼琪(Maggie)又有新搞作。佢雖然退出�鬙虧媮p，但噚日聯同前黨友、民建聯區議員陳俊傑一齊發布原創新歌《創新一天》，話想用音樂凝聚正能量，傳達愛同關懷喎，唔通佢又想做《跨界歌王》？雖然Maggie唔係專業歌手，但佢�鷁o布會上就好夠膽唱live，勇氣可嘉，至於好唔好聽就見仁見智，或者要搵音樂人巫啟賢評一評先得咯。

話無準備參選

不過，呢首歌寫明「不管困難，再挑戰」，佢又�鰫O個時間動作頻頻，不禁令人猜測係為選舉鋪路。但Maggie強調發布新歌同立法會選舉、政治無任何關係，仲話自己無準備參選。其實呢首歌�嚘q詞都幾洗腦，Maggie話，除���鷅穭W發布，仲無任歡迎借出呢首歌畀大家播，又有意搵男拍檔同佢一齊合唱，叫大家畀�禶N見。

今次幫Maggie作曲填詞�麉Y陳鑑林個仔陳俊傑，佢之前�鬘[拿大修讀音樂製作，話Maggie半年前就搵佢想合作創作首歌。佢話特登研究過Maggie個key可以去到幾高，呢首歌可說為Maggie度身定做。不過，好明顯呢首歌難度應該無《愛如潮水》咁高�鵅C

呢首歌歌詞一開始係「感謝支持，真心真意永不止。」未段係「齊奮鬥，努力再展翅，凝聚力量，飛向終點」。Maggie就講笑話希望大家唔好只關注佢�黻菪\，而留意歌詞背後意義。