【明報專訊】前晚喺香港專業及資深行政人員協會10周年晚宴，Emily撞到份屬「梁粉」嘅高靜芝，佢原本喺中央政策組嘅顧問合約9月底已完，大家以為佢恢復自由身出嚟幫特首梁振英競選，點知佢話已經續約到明年6月底，同今屆政府睇齊，唔通唔幫CY競選？高靜芝話，應該喺邊個崗位幫CY，佢都諗咗好耐，𠵱家係將問題押後再諗，先續約，有需要佢可以1個月前通知辭職出嚟幫CY咁話。 晚宴上，另一個「梁粉」香港電台顧問委員會新主席陳建強，畀人問幾時會幫CY參選，佢笑笑口話無消息，而當年喺競選辦幫手嘅馮英倫，𠵱家係發展局政治助理，前晚佢都喺度，一問佢幾時去競選辦，佢又係話乜都唔知，究竟大家仲要等幾耐？
|
| |
| |
