【明報專訊】香港政府喺1950、60年代引入台灣品種嘅相思樹，呢種樹好短命，計番當年種落嘅都變咗「老樹」，有倒塌危機。路政署就將相思老樹逐步取代，而被斬嘅相思樹就搖身一變成為雕刻藝術品，同埋種靈芝嘅「土壤」。 相思樹係植林樹種，生得快，但壽命就只有50至60年，種後40年左右就開始老化，容易受唔同真菌感染，枝條易斷。有見及此，路政署去年4月推出斜坡植林優化計劃，逐步更替老化嘅台灣相思，改種更合適嘅原生同本地化品種，同樣可抓緊泥土，防止水土流失。 被斬去嘅相思老樹並非毫無作用，死後嘅重用價值仲好高，例如供學校作教學用途，亦可以種菇。浸大視覺藝術院指導員話，台灣相思對製作木雕嚟講，軟硬都非常適中，可以製成木雕同家具，變相延長樹嘅生命。 另外，相思木材仲可以用嚟「漚菇」，而呢種就係可以賣得好貴嘅食用或藥用靈芝。原來相思木質密度高、堅硬，好啱用嚟種靈芝同真菌，打碎佢之後就可以作為種靈芝嘅材料喇。
|
| |
| |
;){kind=small}
