【明報專訊】袁詠儀(靚靚)接受奇妙電視《天下第一Friend》鄭紹康訪問，提到當年被指口不擇言得罪不少人，包括成龍與王晶，靚靚至今性格不變，節目中她公開爆老公張智霖(Chilam)、郭富城與沈嘉偉是「廢柴」！ 有時間就打麻將 靚靚稱3人加另一圈外朋友「大哥」都是「廢柴」，原因是他們「四條廢柴愛打牌」。她笑說﹕「佢哋玩起嚟真係好廢，例如Chilam今日同我講﹕『今晚去打牌！』我問佢點解？佢答﹕『阿王(郭富城)明日走啦！』到咗翌日，Chilam又同我講﹕『今晚去打牌！』問佢點解？佢答﹕『阿王返來啦！』你話廢唔廢？」靚靚給Chilam自由去打牌，最緊要他識得返屋企，好似沈嘉偉，他打到三叉神經線發炎才肯返屋企！她指這4個男人的友誼建立逾20年，平日各有各拼搏，有時間便打牌玩到好廢。 「無買錯呢隻藍籌」 她自言是口不擇言的人，當年張國榮與梅艷芳也教訓過她。Chilam知道她的脾氣，為免她在不適當場合爆出不適當的說話，有時會捉實她。兩人結婚16年，經歷過女尊男卑的階段，她說﹕「我記得一句說話，寧欺白鬚公，莫欺少年窮，現在證明我無買錯呢隻藍籌啦！」她稱愛情保鮮是積極求進步，現在她不拍戲，但也會了解周邊發生的事情，跟老公有講不完的話題。近年少了工作是囝囝好黐身，Chilam叫她不要工作多陪伴兒子。 袁詠儀剛慶祝46歲生日(9月4日)，Chilam跟一班好友為她慶祝。靚靚分享照片留言﹕「生日能跟知己好友一起度過，溫馨的一頓午餐、晚餐，原來已經很快樂，真的長大了！」 文﹕娛樂組
|
| |
| |
;){kind=small}
;){kind=small}
;){kind=small}
