【明報專訊】落選港姐工藤佑采日前在港姐決賽當晚落敗後，被批評伴舞hea跳、跟不上節奏及黑面，成為談論熱話。昨日港姐節目監製何小慧在訪問中直指工藤佑采於綵排時不認真，自以為可以晉身12強不用練習。工藤佑采對於何小慧的言論即時作出反擊，她說﹕「不鍾意我也不用抹黑，覺得是『唔要你都唔畀生路你行』。」 工藤佑采在港姐決賽當晚的黑面、hea跳風波仍持續，《明周》報道指她落敗後曾拒絕上台為入圍佳麗暖場，一度令工作人員束手無策，經勸告後才上台表演，但明顯hea跳及甩beat。何小慧在訪問中直指她hea跳﹕「今年節目時間長，不想8名落選佳麗做完第3部分就等到最後才上台。比賽一定有輸贏，每個女仔都好努力練習，唯獨9號(工藤佑采)綵排時已經不太認真，大會有勸告過她，找舞蹈員一對一教學，但可能她以為自己一定會晉身12強，所以不用練習啩！最後在台上跳時明顯跟不上拍子。」 逐點反駁何小慧指摘 工藤佑采得知何小慧指摘，她在社交平台發文大反擊，她用「TTv」代替「TVB」逐點反駁。她說﹕「TTv都幾有趣，個處理方法都幾好喎，我幾時有拒絕過落選之後上台跳舞？我哋幾個落咗選嘅女仔，包括我在內，明明喺後台哭完都上台跳舞！講到好似佢哋束手無策咁！仲要如簧之舌咁，好辛苦先叫到我上台？唔鍾意我都唔使黑我呀！TTv比賽咁多奇怪事情我都無講出嚟，比賽最後一個星期要沒跳舞底嘅我哋學4隻舞，你期望可以跳到dancer咁。TTv根本就是佢唔要你，都唔畀生路你行。」 「做佈景板都要有笑容」 不少網友留言力撐她。工藤佑采回應說﹕「都無當我哋係港姐，連dancer都唔係，我哋係佈景板！佈景板原來需要有笑容！」「我認我天生poker face笑容少，可能講嘢仲有啲囂，但是我做人仲有品格！」 文﹕娛樂組
|
| |
| |
;){kind=small}
;){kind=small}
