【Emily】龍捲風隔15年再現 機場轉20分鐘
[2020.09.26] 發表
【明報專訊】天文台喺facebook發帖，赤鱲角噚日晏晝4點幾出現龍捲風，維持約20分鐘，機場攝影機拍下情况，其間有飛機升降，有驚無險。
有飛機升降 梁榮武話唔理想
天文台話本港對上一次出現龍捲風係2005年10月，連同噚日出現嘅龍捲風在內，1982年至今，本港只有10次龍捲風紀錄。根據天文台資料，龍捲風係快速旋轉氣團，自雷雨雲伸展至地面，香港多數喺5至9月雨季期間不穩定天氣下發生。睇番天文台片段，噚日天氣未至於風和日麗，不過龍捲風發生期間天氣唔算太差，地下天文台就有人質疑係咪真係龍捲風。
天文台其後發出一張激光雷達圖，證實噚日世界協調時間8時31分(即香港時間下午4時31分)，赤鱲角東北有龍捲風出現。香港氣象學會發言人梁榮武話，龍捲風發生期間有飛機升降唔係咁理想，但龍捲風來得快，去得快，亦難預測，加上機場好少見到龍捲風，控制塔預報員較少經驗處理呢類天氣現象，所有未有暫時叫停航班升降係可理解。
更多港聞
【明報專訊】民主黨委託香港民研做民調定議會去留，原預計下周三（30號）有結果，但香港民研主席兼行政總裁鍾庭耀噚日話民調進度相當好，估計噚日有...
詳情
【明報專訊】油塘區議員王偉麟喺facebook批評運輸署官僚，油塘商場「大本型」2012年9月落成，出面馬路每日人來人往，市民等足8年後先有...
詳情
相關新聞
