人力汽車遊行﹕無公提即佔中
[2014.08.23] 發表
【明報專訊】全國人大常委會後日開會，預料31日會就香港政改拍板，外界估計公民提名方案凍過水，人民力量決定聽日先搞一次遊行爭取公民提名，不過呢次遊行唔係用腳行，而係汽車大遊行。Emily心諗，唔通人民力量同自由黨一樣咁富貴，有好多會員都係有車階級？
負責聯絡傳媒嘅人民力量Johnny就同Emily講，其實遊行只係大約20架車左右，都係義工打電話叫支持者參加。人力汽車遊行聽日下晝兩點喺尖沙嘴鐘樓出發，經彌敦道到太子，再轉界限街同太子道去到九龍城，終點係觀塘裕民坊。人力喺新聞稿預告，如果最後唔單止冇公民提名，仲淪落到方案唔符合國際標準，就會立即佔中。
更多港聞
相關新聞
