播內地歌風波 聖心家長批爆料者
[2015.03.13] 發表
【明報專訊】嘉諾撒聖心學校之前喺學校播放內地兒歌《中國是我家》，有家長擔心有洗腦之嫌，喺網上爆料引起傳媒關注。有聖心家長噚日同Emily話，有其他家長喺WhatsApp群組中，批評其他家長向傳媒披露事件，認為將事件外泄嘅家長，其女兒喺學校入面會被同學杯葛。
校方：停播《中國是我家》
Emily就事件問番嘉諾撒聖心學校，副校長凌惠娟回覆話，原計劃未來兩星期早會都會播《中國是我家》，但學校開會後已決定不再播放，噚晚並向家教會執委及校友校董交代，以及研究點樣向全校家長講解事件。對於上述家長之間嘅WhatsApp言論，佢認為係家長之間嘅事，校方唔會追查，但認為事件不應影響學生，學校會繼續如常照顧所有學生，同時歡迎家長直接向校方表達意見。
更多港聞
【明報專訊】中學生人數持續下跌，文憑試生減少，亦令考評局收入下跌。唐創時透露，考評局在2013/14年度有700萬元盈利，但估計今學年會虧蝕...
詳情
相關新聞
