【明報專訊】人民力量前晚舉行成立4周年籌款晚宴，筵開76席，除咗義工同支持者外，連前立法局主席黃宏發、前港區人大代表李鵬飛、前立法會議員劉秀成等都係座上客。晚宴並無拍賣，未計買枱一晚就籌到35萬蚊，都算好勁。建制派政改表決「蝦碌」，人民力量陳志全(慢必)同譚得志(快必)喺表演環節就大唱改編歌嚟諷刺建制派，獲得全場掌聲。 慢必早前喺港鐵被反同志嘅婦人大罵，慢必其後將片段放上網，又去平機會投訴，唔少撐平權團體都聲援慢必。不過事件並無隨時間而告一段落，學民思潮召集人黃之鋒嘅爸爸、性傾向條例家校關注組召集人黃偉明前日就寫千字文質疑事件，指慢必話自己嬲到震，但短片顯示佢並無手震喎。 但前晚黃之鋒就現身人力晚宴，仲同慢必合照，慢必呢張合照喺facebook有逾800人讚好，仲有網友留言問，唔知之鋒爸爸見到張相會有咩反應、會唔會「嬲到震晒」呢？
|
| |
| |
;){kind=small}
;)
