【明報專訊】上水區鄉事委員會主席侯志強(圖)正考慮出選立法會新界東補選，爭湯家驊辭職留低嘅席位，今晚佢就先搵上水鄉事派朋友同一班傳媒聚餐，為備戰熱下身。侯志強話，能唔能夠成功參選，仲等緊鄉議局行政及政制委員會嘅決定，話等到「頸都長咗兩吋」！ 選戰未打，侯志強先落廚為大家煮鮑魚一展廚藝，佢話呢味叫「阿強鮑魚」，日後如果淡出政壇都可教人煮鮑魚。「阿強鮑魚」嘅煮法大有學問，佢話鮑魚要先清洗兩日，8日前開始煮，用花膠、餃子、雞骨、老雞和排骨去扣，每日扣兩三個鐘，熄火後放入雪櫃，第二日再攞出嚟煮，連煮8日，令鮑魚吸晒啲精華。 佢笑話，「大家試咗OK，可以照住學，試咗唔OK，就連煲踢爛佢，叫做掟煲！」
|
| |
| |
;){kind=small}
;)
