愛爾蘭工作假期名額翻倍
[2015.09.19] 發表
【明報專訊】工作假期(working holiday)計劃近年深受年輕人歡迎，至今已經有10個地區畀香港青年揀，除咗澳洲、日本等熱門地點，仲有唔少歐洲國家選擇，政府就公布愛爾蘭嘅工作假期名額會倍增，下年3月起每年雙邊名額由100個增至200個。
港府噚日公布呢個消息，勞工及福利局長張建宗歡迎計劃名額增加，希望兩地青年可以喺旅遊期間得到生活同工作經驗。𠵱家喺香港訪問嘅愛爾蘭就業、企業和創新部長理布魯頓，亦鼓勵兩地青年去愛爾蘭同香港旅遊。
申請人只要年齡介乎18至30歲、持有有效特區護照或BNO護照，又或者曾經參與過呢個計劃，都可申請，成功嘅話可在愛爾蘭逗留唔超過12個月，可以做短期工，受聘同一僱主嘅工作時間唔可以超過3個月，有興趣者可向愛爾蘭駐香港總領事館查詢。
更多港聞
相關新聞
