【明報專訊】培育過千計小記者嘅《明報》校園記者計劃踏入第19屆，噚日喺九展舉行開學暨頒獎典禮，財政司長曾俊華出席並擔任主禮嘉賓。財爺席上繼續表現親民，頒獎後仲主動留低同學生玩selfie及傾偈交流，足足搞咗20分鐘先至離開。 財爺出席校園記者活動，當然都有講對新聞嘅睇法，佢話𠵱家只要有部smartphone，有facebook或Instagram(IG)戶口就可以做記者，又話部分媒體為咗有更多網民點擊，令新聞娛樂化，但相信唔少讀者都希望得到真確資訊，寄予學生努力汲取經驗。 432校記開學了 佢之後分享咗最近聽過嘅一番話，「一件事情響網上出現過，呢件事先叫發生過、先真嘅，若果無響網上出現，根本就無發生過、出現過」，Emily都好同意，大家𠵱家真係要小心分辨網上事件嘅真偽。 《明報》校園記者活動鼓勵中學生參與編採工作，發揚互動求真精神，多年來已有超過8000名學生參與。今年嘅主題係「多元．準確」，432個新校記噚日正式加入我哋呢個大家庭。至於開學暨頒獎禮詳情，請留意明報日內嘅專頁報道！
|
| |
| |
;){kind=small}
;){kind=small}
;)
