【明報專訊】周國賢前晚假九展舉行演唱會，台上台下皆有圈中好友支持，觀眾席有謝安琪與張繼聰兩公婆、黃偉文(Wyman)等，台上有麥浚龍及藍奕邦先後表演外，Wyman最後更以神秘嘉賓出現，要周國賢騷肚臍算命，又裝扮成麥浚龍，令全場起哄。

周國賢這晚以科幻黑甲Look登場，一度露點獻唱《失散時光》，與嘉賓麥浚龍合唱《從此世界多了一分鐘》，又與藍奕邦又彈又唱《離開拉斯維加斯》。

唱了10幾首歌後才停下來說話，周國賢表示畀人落了禁語令，又說：「好耐未試過做咁大型騷，真的好驚不能重返舞台。我已無事，過去兩年幾不在香港，有時公主病發作會發表幾千字，現在人已很變得很樂觀，好多謝身邊親戚朋友，有些不認識的人更會留言給我，將身世講給我聽，發現自己並不是最慘的一個，真心感受到身邊的愛，所以不會令大家擔心！」

周國賢完騷後表示：「剛才嚇死我，因為不知Wyman會來，預料他不來，被他嚇完都驚驚�]，但真的好開心，完全不知如何招架，又無想過他彈結他，令人好感動又奇幻的一晚！(不配合Wyman騷肌？)近排少練，今次Rundown好長，只可練肌肉或練能量，肌肉現在都有一�翩C」

望下年攻紅館

下次去紅館開騷？周國賢說：「下年好快，即將OK，已入紙申請了！(完成歌手的夢想？)是，以前夾Band不太覺得，但見到好多同期歌手都去過紅館，這是香港歌手的人生里程碑，好似未去過會差少少。(個人心結全部解開？不會再失蹤兩年幾？)最多兩個幾月，去放假，有咁好成績已解開晒心結，就是站在台上那刻解開，無想過歌迷拿�茪熅鬙灡肭_身。」

記者：梁榮達