同勇武派劃界 范國威做「務實本土」
[2016.07.16] 發表
【明報專訊】「新民主同盟」立法會議員范國威(Gary)本月20日推出新書《務實本土》，計劃發行500本，噚日同一眾傳媒簡介新書內容，分享對本土思潮心得，同埋講吓對9月立法會選舉嘅心情。
Gary喺新書講到唔少熱門議題，例如雙非、自由行、三跑、保育廣東話同普教中等，佢覺得近年唔少勇武派都打 「本土」旗號，甚至連鍾樹根都話要「本土」，但本土唔應該只停留喺口號層面，必須落實到具體政策，先叫做「務實本土」。
面對9月立法會選情，Gary話心情忐忑，覺得前民主黨成員鄭家富宣布參選，事前通知多過協調，對新民主同盟係一大衝擊；又話今次新界東競爭激烈，即使佢喺前日出爐嘅港大民調結果唔差，但覺得仲有唔少變數。佢話計劃最快下星期二下晝報名參選。
更多港聞
相關新聞
