林鄭揸氣槍唔怯場
[2016.07.18] 發表
【明報專訊】政務司長林鄭月娥(右)一直畀人硬朗嘅感覺，原來佢攞起氣槍都唔會怯場。前日佢就同馬會副主席周永健(中)一齊出席「香港傷健協會賽馬會傷健營」開幕禮，參觀時仲即興喺室內氣槍射擊房切磋。
林鄭攞起氣槍有板有眼，而一向能歌善舞嘅周永健就話自己似占士邦，之後仲學埋射箭，但畀林鄭笑佢「跑馬你就叻，射箭你就麻麻哋喇！」好彩周永健都可以命中目標，仲大呼過癮。馬會最近透過其慈善信託基金撥捐近9500萬元重建傷健營舍，重建後增加唔少運動設備，包括適合輪椅人士攀爬嘅攀石牆、露天泳池、輪椅劍擊房及室內氣槍射擊房等，預計每年能惠及39,000名使用者。
更多港聞
相關新聞
