【明報專訊】𠵱家喺尖沙嘴香港歷史博物館舉行嘅「香港玩具傳奇」展覽，大受市民歡迎，勾起唔少人嘅童年回憶。康文署就話，展覽自3月2日開幕至今已錄得超過15萬參觀人次，平均每日參觀人次逾5000人，刷新咗博物館歷來專題展覽平均每日參觀人次嘅紀錄。 康文署話，為方便市民參觀，館方喺復活節期間(4月14至17日)延長展覽嘅開放時間至晚上8點。為配合展覽，館方喺4月15日及16日舉辦「玩具同樂日」，屆時將設置多個遊戲攤位，包括機械人大決戰、射擊遊戲、巨型棋盤挑戰和藝術工作坊等。活動無需預先報名。 署方溫馨提示，市民可考慮喺平日或周末早上或5點後去參觀，避開繁忙時間人龍。玩具傳奇展覽展期至5月15日，詳情可瀏覽網頁(hk.history.museum/zh_TW/web/mh/exhibition/current.html)。
|
| |
| |
;)
