【明報專訊】財政司長陳茂波日前去完粵港澳大灣區考察後，就叫大家去恩平浸溫泉，「住一晚浸吓溫泉，唔需要去到日本咁遠」。不過，大力推銷大灣區嘅特首梁振英(CY)，噚日被問到有無試過去恩平浸溫泉時就笑住話「自己都好少喺其他地方浸溫泉」。 政府力推大灣區發展規劃，CY噚日喺出席行會前見記者，都被追問落任後會唔會去大灣區居住，CY話愈來愈多港人到內地定居，相信係社會趨勢，強調內地市場唔可以忽視，大灣區發展亦可令香港得益。工聯會榮譽會長鄭耀棠噚日同傳媒茶敘時，都話自己「唔知去過大灣區幾多次啦」，但就話對浸溫泉無興趣，連去日本時都唔會浸。另外，CY噚日重申，考慮過風險安全評估後，唔會重開俗稱「公民廣場」嘅東翼前地，話候任特首林鄭月娥表明上任後考慮重開，係林太自己嘅決定。
|
| |
| |
;)
