童軍「衝上雲霄」
[2017.08.29] 發表
【明報專訊】香港童軍總會致力培訓青少年領袖，仲喺2014年成立咗「航空訓練中心」，提供專業飛行訓練畀懷有飛行夢嘅年輕人，一嘗「衝上雲霄」滋味。航空中心設置咗4部經美國航空局認證嘅專業飛行訓練系統飛行模擬器，當中有兩部係全動式(full-motion，圖)，由熱愛飛行嘅老童軍出錢捐出。透過使用飛行模擬器，學員猶如置身真正駕駛室，可學習處理飛行作業流程，同埋各種危機情况。
呢個中心成立至今，已有超過1800人次使用過專業飛行訓練系統。國泰港龍航空去年邀請童軍總會成為「港龍航空飛行證書計劃」嘅合辦機構，舊年已有7名童軍參加為期9個月嘅訓練，今年嘅計劃於11月接受報名，獲選中嘅童軍再次有機會入駕駛艙，一睹機師衝上雲霄嘅滋味。
更多港聞
相關新聞
