【明報專訊】劉青雲昨日以宣傳大使身分出席「NowTV 2017年第四季度全新節目巡禮」，活動上播出由他拍攝的點播服務宣傳片。司儀問他怎樣減壓？青雲笑指會找人來鬧，但甚少這樣做。他表示會看電影減壓，什麼片種都看，尤其支持本土電影。 愛睇戲 不看自己作品 青雲直言愛看電影和煲劇：「當然鍾意去戲院睇戲，但有時趕不及，能安坐家中舒服地點播都是好事。我真的很鍾意睇戲，很開心、很舒服、很enjoy，什麼題材、什麼國家的電影都會睇，試過日睇兩三部戲。以前拍電視劇，半夜收工就開錄影機睇，邊睇邊瞓，睇不完，第二晚又再睇，所以《教父》和《的士司機》睇得最多。」不過，青雲甚少翻看自己演出的電影，他笑說：「現在索性不睇，等退休住老人院先睇，不然哪有事做！」會否和太太郭藹明爭戲睇？他表示不會，因大家口味相近。 談到時下年輕人大多熱捧不受時限的收費台，變相影響免費電視台收視，青雲覺得沒辦法，社會不斷進步，唯有適應：「其實電影票房也受影響，但這是大勢所趨，但我個人就不鍾意用手機睇戲，屏幕太細了！大銀幕睇戲，感覺會不一樣。」 記者：柯美 攝影：孫華中 ■更多娛樂猛料 ﹕ol.mingpao.com
|
| |
| |
;){kind=small}
;)
