立會打流感針 泛民得慢必「獻身」
[2017.11.30] 發表
【明報專訊】食物及衛生局長陳肇始、副局長徐德義，聯同一眾醫護人員，噚日去咗立法會為議員打流感針。不過，泛民主派就得人民力量陳志全(慢必)一個人去打，其他泛民議員無晒影，慢必笑住話啲泛民同事驚打完有反應，無辦法打仗。
護士出身嘅陳肇始未有幫手打針，負責招呼議員。立法會主席梁君彥先拔頭籌打針，佢話議事規則無規定議員一定要打流感針，但佢自己近年都有打，指打咗就減少感染流感，身體都好咗，呼籲市民打流感針。
經民聯林健鋒、自由黨邵家輝、實政圓桌田北辰同新民黨容海恩等都有去打針，醫護人員嘅手勢都好好，似乎大家都唔覺好痛。田北辰仲邊打針，邊向醫學界議員陳沛然爭取港區人大代表嘅提名，陳沛然一口答應，今次打針真係抵喎。
更多港聞
科大研圖像分析 助了解網民喜好 商品推薦更貼心
【明報專訊】現時不少社交媒體或網站會分析網民曾經搜尋的字眼，從而顯示相關廣告。科大有博士畢業生花5年時間研發「用戶圖像聯繫分析」技術（下稱分... 詳情
港大遴選校長 四揀一 首席副校譚廣亨將署任校長
【明報專訊】香港大學校長馬斐森將於明年離任，據了解，校長遴選委員會（Selection Committee）昨天和今天會面見合共4名入圍（s... 詳情
相關新聞
