拜仁揭幕戰3：1挫賀芬咸
[2018.08.25] 發表
拜仁慕尼黑昨日在德甲揭幕戰，主場3：1擊敗賀芬咸，新帥尼高高華入主後首場聯賽就旗開得勝。
拜仁慕尼黑昨日由紐亞把關，射手羅拔利雲度夫斯基、湯馬士梅拿和列貝利等主將全部披甲，不容有失。賀芬咸則由祖連頓、施沙拉爾負責進攻重任。
23分鐘，今季首個德甲入球出現，梅拿近柱接應右閘甘美治開出的角球頂入，拜仁領先1：0。擁有主場之利的拜仁，攻勢明顯比客隊多，但客隊亦不時給主隊製造驚險鏡頭。34分鐘，賀芬咸一次反擊，中場尼高舒侯斯地波傳中，祖連頓射門斜出。
高文足踝靭帶撕裂需休數周
戰至29分鐘，拜仁翼鋒京士利高文傷出，由洛賓入替。及後證實高文足踝靭帶撕裂，需要休養數星期。拜仁全場控球率達六成半，但上半場只能以一球領先。
易邊再戰，拜仁加強攻勢希望拉開比數。55分鐘，甘美治傳交「羅拔仔」羅拔利雲度夫斯基，後者門前輕易射入，但球證根據VAR證實越位在先，入球無效。
大難不死的賀芬咸，2分鐘後把握中堅謝路美保定犯錯良機，由施沙拉爾射遠柱扳平。
比賽至80分鐘，後備入替的賀芬咸中場洛特維迪被指在禁區踢跌列貝利，被判罰12碼。羅拔仔主射兩施「假腳」後起腳被包文救出，洛賓補中，但球證經VAR後判重射，羅拔仔重施故技，但今次中鵠，拜仁以2：1再度領先。
完場前，梅拿的入球但逃不過VAR錄象，因犯手球被判無效。不過，他其後助攻予洛賓「埋齋」，拜仁最後贏3：1全取三分，衛冕之途取得一個好開始。
更多體育
相關新聞
