友愛邨現「山墳」物體嚇親人 街坊曾投訴該處聚賭嚴重
[2018.08.28] 發表
【明報專訊】盂蘭節剛過去，屯門友愛邨近翠寧花園出入口突然出現咗幾座被指貌似「山墳」嘅物體，唔少街坊見到都嚇一嚇，工黨屯門區議員譚駿賢噚日喺facebook上載照片，原來呢幾個「山墳」有段古。譚駿賢同Emily講，一年幾前有好多街坊同佢投訴，話該處成日有7至8人聚賭，曾報警，但警察一走佢?又聚集，令街坊好困擾。譚駿賢之後搵過唔同部門，睇吓可以點解決，不過一個波拋畀另一個，最後話係運輸署負責。
指運署擬作單車位遭反對
Emily噚晚向運輸署查詢究竟該物體係乜東東，仲了解緊。聽譚駿賢講，運輸署有考慮過個位用嚟做單車泊位，但因有區議員及地區人士反對，最後都係諗住起花槽；隔?一年，佢再經過該處，唔止見唔到花槽，更驚見幾個「山墳」，令佢摸不?頭腦，「我估佢哋嘅思維係純粹搵嚿?填咗個位去，你話藝術品都唔似啦？咩藝術品嚟㗎？」佢話會問吓運輸署搞咩，希望嗰度整番靚啲，實際啲起番花槽好過。
屯門民建聯議員曾憲康都話唔知嚿嘢係咩嚟，尤其?呢個月份出現，難免令人聯想到係「山墳」。佢話都知聚賭問題嚴重，提過要起個閘封住該處，但區內持份者意見紛紜，最後不了了之。其實呢類「無厘頭裝置」亦曾喺其他區出現，好似鰂魚涌嘅「巨墩避雨亭」、葵芳?「安全島山墳」藝術品等。
更多港聞
守護公義基金助鍾劍華籌款抗辯 張達明公開CY律師信
【明報專訊】前特首梁振英（CY）早前向理工大學應用社會科學系助理教授鍾劍華發出律師信，控告鍾誹謗。「守護公義基金」噚日宣布，會開始為鍾劍華籌... 詳情
民記開ig帶你遊香港 不談政治 農曆七月講鬼古
【明報專訊】政黨愈來愈重視社交媒體呢個戰場，政治人物亦鍾意透過facebook講述立場，不過年輕一輩近年已唔多玩fb，反而以instagra... 詳情
【明報專訊】想去工作假期嘅人又多一個選擇喇！由今年9月1日開始，「香港/匈牙利雙邊工作假期計劃」接受申請，名額約200個，申請人最多可逗留1...
詳情
相關新聞
