年底區選 自由黨盼取15席
[2019.02.12] 發表
【明報專訊】自由黨趁噚日大年初七「人日」同傳媒舉行春茗，除咗立法會議員外，無論係已退休嘅榮譽主席田北俊及方剛，定係青年團嘅後起之秀都齊齊現身，今年底就係區議會選舉，自由黨有乜大計呢？根據自由黨網站，該黨現時有8個區議員，黨魁鍾國斌就話希望年底區選可以拎到15席，笑言15席係立法會「超級區議會」嘅入場門檻，有15席，可以考慮派人參選，亦增加談判實力。
自由黨立法會議員邵家輝本身係東區區議員，自由黨副主席李鎮強就透露邵唔會競逐連任區議會，佢哋已經搵咗接班人，但拒絕透露更多喇。
田北俊向來鍾意評論政事兼抽水，噚日佢笑言現時完全無包袱，如果黨友做得唔好，佢一樣會照抽水。近日盛傳新民黨主席葉劉淑儀有意出戰區議會，田少形容葉太「咩都想選啦」，但大讚對方非常勤力、勇氣可嘉。
更多港聞
【明報專訊】近日公立醫院接近「爆煲」，有醫護人員要求減少單程證配額以紓緩醫療壓力。保安局前局長、新民黨副主席黎棟國噚日喺商台節目話，新移民來...
詳情
相關新聞
