環團：港人每周棄逾4000萬件塑膠
[2019.05.08] 發表
【明報專訊】香港近年開始講「走塑」，但唔少人仍然貪方便，幫襯外賣時繼續用膠餐具、膠袋等。環保組織綠領行動訪問咗861名市民，噚日發布結果，發現人均每周丟棄5件或以上由餐廳派發嘅即棄塑膠，類型包括飲管、餐具、食物器皿同膠袋，其中膠袋所佔比例最多。團體以全港大約748萬人口推算，估計港人每周可能扔咗超過4000萬件即棄塑膠，相當浪費咁話。
綠領行動於3至4月喺荃灣、深水埗同黃大仙等8區做街訪，有七成受訪者認為市民無自備餐具及器皿習慣，導致未能「走塑」；綠領行動就話，雖然香港近年多咗人關注塑膠問題，但仲有好大進步空間，組織今年會舉行「全城『絕膠』大行動」，邀請餐廳食肆主動「絕膠」， 即係唔賣過度包裝產品或主動提供即棄餐具畀顧客，希望進一步推動環保。
更多港聞
【明報專訊】政制及內地事務局長聶德權上年拍片回顧一年工作，片中沿住城門河係咁跑；局長最近接受馬會刊物《駿步人生》訪問時就透露原來佢平時好鍾意...
詳情
小三TSA問爭玩具看牙醫 題目生活化 教師稱不難
【明報專訊】小三全港性系統評估（TSA）昨日舉行中英文說話和中文視聽資訊評估，是第二年以「不記名、不記校、不收取學校報告」方式每校抽10%學... 詳情
相關新聞
