【Emily】邵家臻獄中寫信謝示威者
[2019.07.18] 發表
【明報專訊】街工梁耀忠前日去赤柱監獄，探訪正在服刑嘅社福界立法會議員邵家臻同社民連副主席黃浩銘，其中阿臻喺獄中撰寫親筆信，形容反對《逃犯條例》修訂嘅示威者，感動到自己、在囚抗爭者以至香港社會，「每次讀報都見到一個抗爭的香港，Be Water(如流水般行動)嘛」，佢希望向示威者致謝。
邵家臻喺信中同時呼籲社會關注囚權，佢話會繼續以議員身分，喺獄中提出改革，並解答在囚者各方面問題。佢批評懲教署喺夏天只提供手搖扇畀囚友，未能應付炎熱天氣，反問署方係咪要有囚友熱到暈倒先至認真處理問題。有見及此，梁耀忠就去信懲教署長胡英明，提出一系列改善在囚者待遇措施，包括盡快喺監倉內安裝風扇，以及確保膳食分量足夠等。
更多港聞
相關新聞
