【Emily】「保港」教協示威 成員鬧錯記協
[2019.08.22] 發表
【明報專訊】「保衛香港運動」噚日大約30個成員去咗教協旺角辦事處外示威，話教協煽動學生罷課。佢哋嘅主席傅振中(前左)寫咗封公開信畀教協會長馮偉華，鬧教協企圖將教育同政治綑綁，令未成年學生捲入政治漩渦。教協亦有派人接信(前右)。其中一個「保港」成員郭女士之後忍唔住要出聲，話學生唔讀書嘅話「請滾出校門」。不過佢講嘢就有少少甩漏，一開始先講錯教協做記協，之後又話9月1號開學，實情嗰日係星期日嚟。各同學記住2號先開學呀！
更多港聞
【Emily】憂擾亂金融中心 張華峰倡規管「亂提款」
【明報專訊】反修例運動遍地開花，示威者用唔同方法要政府回應訴求，包括從經濟方面入手，想去癱瘓銀行體系，好似撳錢、將港紙轉成外幣、取消中資銀行... 詳情相關新聞
