【Emily】今年中秋月未滿

[2019.08.30] 發表

【明報專訊】仲有兩個星期就係中秋節，天文台向市民提供賞月錦囊，今年中秋滿月並非喺農曆八月十五出現，而係喺追月過後，於八月十七(9月15日)嘅凌晨先至出現，如果天氣良好，當晚可以觀賞到又圓又光嘅月亮。

天文台話，中秋滿月嘅月出時間喺農曆八月十六(9月14日)下晝6點48分，月上中天時間為9月15日凌晨零時47分，仰角為62度。月上中天係指月球橫越本地子午線嘅時間，呢個時候月球位於正南方，仰角為全晚最高。

其實滿月唔一定喺農曆八月十五出現，原因係農曆訂定朔(新月)為初一，從朔到望(滿月)嘅日數，就係農曆滿月嘅日期，但由於月球唔係以恆定嘅速度繞地球運行，所以月亮從朔到望唔一定係15日，亦有機會係16日，甚至17日先至滿月。

更多港聞

【明報專訊】網約車平台Uber 2014年7月進軍本港，至今5年，Uber噚日總結一啲有趣數字，話呢5年Uber喺香港接載乘客嘅總路程超過3... 詳情

【明報專訊】星期日（25日）「荃葵青遊行」結束後，有30幾個示威者去到二陂坊同大陂坊，破壞多間被指同黑幫有關嘅店舖，其中一間叫做「中元節文化... 詳情