【Emily】挪威議員讚抗爭影響世界 港人獲提名和平獎
[2019.10.17] 發表
【明報專訊】反修例風暴以來，世界關注香港人嘅抗爭精神；今年諾貝爾和平獎出爐冇耐，隨即就有人提名「香港人」競逐明年嘅和平獎。話說挪威國會議員Guri Melby早前提名香港人競逐2020年嘅和平獎，話港人正爭取言論自由、民主、法治呢啲基本權利，讚揚港人所做嘅已經超出香港本身，亦影響到世上其他地區。由於呢場抗爭「冇大台」，所有討論、決定都喺網上進行，所以Melby選擇提名「香港人」整體。
近日來港觀察
盼提名鼓勵示威者
Melby近日曾經來港，佢引述大部分曾與佢對話嘅人都強調，呢場係人民嘅運動；佢希望提名對示威者而言可以起鼓勵作用，又期盼所有香港人平平安安。
Melby嘅提名辭寫道，佢期望獲獎對學生、教師、政治人物及所有港人帶來鼓勵，因為佢哋面對生命及安全嘅風險，為言論自由、民主站出來；佢認為國際社會必須顯示，大家都會為港人爭取緊嘅價值企出嚟。Melby又話，港人提醒大家尊重國際協議、憲制價值、民主及言論自由嘅重要，對和平貢獻甚大。
諾貝爾和平獎係點選出嘅呢？根據官網所講，係由國會議員、政府官員等合資格人士提名後，再由5人組成、由挪威國會任命嘅挪威諾貝爾委員會揀出得獎者。被律政司覆核刑期而遭上訴庭判囚6至8個月嘅「雙學三子」周永康、羅冠聰、黃之鋒，去年亦曾獲提名。
更多港聞
【明報專訊】《施政報告》除咗泛民不滿，部分建制派亦一肚氣，其中地產及建造界議員、經民聯石禮謙噚日回應時「爆seed」，怒斥多個鐵路基建不斷超...
詳情
【Emily】林鄭打破兩紀錄 2019施政報告回歸後最短
【明報專訊】特首林鄭月娥噚日透過影片宣讀《2019年施政報告》，只係用咗約52分鐘就讀完，Emily計計數，呢份《施政報告》長20頁，共有5... 詳情
【明報專訊】政府話要全面推動「走塑」文化，《2019年施政報告》寫要推「走塑」午膳先導計劃，政府消息人士話，計劃一方面搵十幾間中小學做現場派...
詳情
相關新聞
