【Emily】鴿黨候任區議員 同日本行家做筆友
[2019.12.30] 發表
【明報專訊】反修例風暴爆發至今，好多泛民主派都積極同外國議會交流，希望將香港問題提升至國際層面。估唔到候任屯門樂翠區議員、民主黨盧俊宇(Cary)都成功同日本嘅議員連結。Cary最近收到日本白井市議員和田健一郎來信，祝賀佢當選。Cary話一直都係同和田健一朗做筆友，未見過佢真人，希望來年有機會去日本探佢。
和田健一郎去年3月曾經嚟香港為當時參加港島區立法會補選嘅區諾軒打氣，同年8年再嚟香港旅遊時就被拒入境。Cary話，和田喺信中提到想再嚟香港，希望佢幫手。
Cary話，透過朋友喺網上認識和田健一郎，二人透過社交媒體通訊，希望來年處理好設置地區辦事處之後，就去日本探吓呢位筆友。
更多港聞
【Emily】機場試垃圾徵費 模擬帳單估日後支出
【明報專訊】機管局2018年拎咗香港環境卓越大獎公共及社區服務金獎，佢哋上年推出多項環保措施，包括自願垃圾徵費試行計劃，有參與嘅機場禁區內餐... 詳情相關新聞
