【明報專訊】疫情持續，建制派同民主派繼續撲口罩同派口罩。建制派成立�鵅u全港社區抗疫連線」話已經�鬘�球各地蒐羅到超過100萬個口罩，會陸續到港，向全港18區弱勢社群同65歲以上長者派發。連線總召集人、港區人大代表陳振彬致辭時，就誤將俄羅斯講成「蘇聯」，話連線團隊�鴾f罩�薯菕u蘇聯」。香港眾志秘書長黃之鋒就笑問，連線係咪派古董，因為一般口罩存放期限係3至5年，「抑或佢坐時光機幫居民買口罩？」

陳振彬講錯俄羅斯做蘇聯

陳振彬話，�齯f罩會「不分顏色」咁派，因為希望盡快派畀有需要市民，所以好難逐一檢驗係咪合格，但會要求供應商提供證書證明質料。

連線噚日�鬗p西灣、石硤尾同九龍城等區舉行「百萬口罩獻愛心」派口罩同漂白水活動，多個建制派政黨包括工聯會、經民聯同民建聯等響應。

難逐一檢驗 要求供應商交證明

另邊廂，荃灣區議會早前亦通過撥款約100萬元，畀明愛荃灣社區中心統籌同製作2.4萬個抗疫防炎包，內有口罩、酒精搓手液同消毒藥水等。荃灣區議員噚日起陸續向市民派抗疫防炎包，新民主同盟譚凱邦話，抗疫防炎包主要透過當區區議員同NGO派畀市民，每個區議員獲發700幾個。